పరిచయం
======
నీ ఒక్క పరిచయం తో
జీవితం లో ఎన్నెన్నో
కొత్త పరిచయాలు........
నువ్వు కనిపించినపుడల్లా
గుండె లయతప్పడం పరిచయమైంది
నువ్వు చిర్నవ్వు విసిరినపుడు
ఊపిరి ఆగి పోవడం పరిచయమైంది
నువ్వు గల గలా మాటాడుతుంటే
మనసు ఉయ్యాలలూగడం పరిచయమైంది
నువ్వు నా బైక్ వెనకాల ఎక్కినపుడు
గాల్లో తేలిపోవడం పరిచయమైంది
యూ ఆర్ వెరీ స్పెషల్ అన్నప్పుడు
ఛాతీ ఉప్పొంగడం పరిచయమైంది
నువ్వు సినిమా కొచ్చిన ప్రతీ సారీ
అమ్మకి అబద్ధం చెప్పడం పరిచయమైంది
నువ్వు రాకుండా ఎగ్గొట్టే సాయంత్రాలు
ఎదురు చూడ్డం పరిచయమైంది
మెసేజ్ లకి రిప్లై ఇవ్వకపోతే
మతి పోవడం పరిచయమైంది
నువ్వు పండక్కి ఊరెళ్ళి నపుడు
పిచ్చెక్కడం పరిచయమైంది
నువ్వు అనుక్షణం గుర్తు కొచ్చి
గుండె బరువెక్కడం పరిచయమైంది
ఫోనెత్తకుండా వేధించినప్పుడు
నరక యాతన పరిచయమైంది
నువ్వు కాలేజ్ కి తిరిగి రాగానే
పట్టరాని వెర్రానందం పరిచయమైంది
నాకులమేంటని అడగ్గానే
నీ తత్వం పరిచయమైంది
నా ఆస్తి గురించి ఆరా తీసినపుడు
నీ నైజం పరిచయమైంది
నువ్వెక్కడ నేనెక్కడ అన్నపుడు
వాస్తవం పరిచయమైంది
No comments:
Post a Comment