కొంచెం బిజీగా ఉన్నానంది
తరవాత ఫోన్ చెయ్యమని
మర్యాదగా చెప్పింది
కొంచెం బిజీగా ఉందంట ....
కొంచెం బిజీగా....
ఎంత కొంచెమో మరి ....... ? ? ?
పచ్చటి నుదురు మీద
రెండు కనుబొమల మధ్యా
పెట్టుకున్న నల్లటి
స్టిక్కరంత కొంచెమా ?
ఎర్రటి పెదాలకీ
పనస తొనలాంటి
చుబుకానికీ మధ్య దాగున్న
పుట్టుమచ్చంత కొంచెమా ?
నన్ను కవ్వించి కవ్వించి
ఉడికించి చంపాలని
కనీ కనబడకుండా స్వల్పంగా ఒదిలేసే
అల్లరి పైటంత కొంచెమా ?
గింజుకుని పెనుగులాడి
పారిపోవడంకోసం తప్పనిసరై
ముష్టిగా పడేసే ఒక
పిసినారి ముద్దంత కొంచెమా ?
కొంచెం బిజీగా ఉందంట ....
కొంచెం బిజీగా....
ఎంత కొంచెమో మరి ....... ? ? ?
దొరకదా ?
సాయంత్రం దొరకదా ?
పోనీ రేపైనా దొరకదా ?
ఆ కొంచేనికి బదులుగా
బ్రహ్మాండమంత మిఠాయి
పొట్లం మొత్తం నొక్కెయ్యనా ?
No comments:
Post a Comment